ბსუ-ს რექტორად მერაბ ხალვაში აირჩიეს
ბათუმის შოთა რუსთაველის უნივერსიტეტს ახალი რექტორი ჰყავს. უნივერსიტეტის აკადემიურმა საბჭომ ერთხმად, 11 ხმით, რექტორის მოვალეობის შემსრულებელი მერაბ ხალვაში რექტორად აირჩია.
გაზეთ "ბათუმელების" ინფორმაციით, რექტორის არჩევნები, ფაქტობრივად ერთი კანდიდატით ჩატარდა, რადგან რექტორობის მეორე კანდიდატმა, ანთაზ ქიქავამ საკუთარი კანდიდატურა კენჭისყრის დაწყებამდე მოხსნა.
კითხვაზე, ჰქონდა თუ არა 11-ივე ხმის მიღების მოლოდინი, მერაბ ხალვაშმა განაცხადა, რომ მას შემდეგ, რაც ანთაზ ქიქავამ კანდიდატურა მოხსნა, ასეთი მოლოდინი გაუჩნდა.
