თურქეთის იუსტიციის სამინისტრომ ოპოზიციონერი მუსლიმი მქადაგებლის, ფეთჰულა გიულენის ექსტადირებისთვის აშშ-ს დამატებითი დოკუმენტები გაუგზავნა. ამის შესახებ თურქეთის პრემიერ-მინისტრმა ბინალი ილდირიმმა პარლამენტში სიტყვით გამოსვლისას განაცხადა.

"ჩვენ ტერორისტების მეთაურის ეტსრადირებისთვის აშშ-ს დოკუმენტების ოთხი პაკეტი გავუგზავნეთ. ჩვენ მათ ბევრად მეტ მტკიცებულებას წარვუდგენთ, ვიდრე მათ სურთ",  -განაცხადა ბინალი ილდირიმა.

18 ივლისს თურქეთის პრეზიდენტმა რეჯეპ ტაიპ ერდოღანმა ვაშინგტონს ფეთჰულა გიულენის ანკარისთვის გადაცემისკენ მოუწოდა. გიულენს თურქეთის ხელისუფლება სახელმწიფო გადატრიალების მცდელობის ორგანიზატარად მიიჩნევს.

თავად ფეთჰულა გიულენი, რომელიც ერდოღანის მთავარ პოლიტიკურ ოპონენტად ითვლება, ამბოხთან კავშირს უარყოფს და სახელმწიფო გადატრიალების მცდელობას გმობს. ის ამბობს, რომ ექსტრადირებისთვის მზად არის, თუკი ამბოხთან მისი კავშირი დამტკიცდება.

ფეთჰულა გიულენი 1999 წლიდან პენსილვანიაში ცხოვრობს.

წყარო: 2030