ქვემო ფონიჭალაში, რუსთავის გზატკეცილის №8-ში, მრავალბინიანი სახლის კაპიტალური გამაგრება მიმდინარეობს. კრწანისის გამგეობის თანადაფინანსებით, გამაგრდება კონსტრუქციული ელემენტები და გამოიცვლება კანალიზაციის სისტემა.

ამ ტერიტორიაზე არსებული საცხოვრებელი სახლები, წლების განმავლობაში, ავარიულ მდგომარეობაშია. მათი კაპიტალური გამაგრება გამგეობამ გასული წლიდან ეტაპობრივად დაიწყო. მსგავი სამუშაოები უკვე განხორციელდა რუსთავის გზატკეცილის №10-სა და №12-ში.

კაპიტალური გამაგრების პროცესს ადგილზე გაეცნო კრწანისის გამგებელი. გიორგი კოპალეიშვილი, რაიონის მაჟორიტარ დეპუტატთან, ბექა ნაცვლიშვილთან ერთად, ადგილობრივ მცხოვრებლებსაც შეხვდა.