აჭარაში საინვესტიციო პროცესი აქტიურად მიმდინარეობს, იზრდება სამუშაო ადგილების რაოდენობა, აღნიშნულის შესახებ განცხადებას აჭარის ფინანსთა და ეკონომიკის მინისტრი რამაზ ბოლქვაძე აჭარის რესპუბლიკური ბიუჯეტის 7 თვის მონაცემების შეჯასებისას აკეთებს. მინისტრი ამბობს, რომ ეკონომიკურად აქტიურ პერიოდი საშემოსავლო გადასახადზეც დადებითად აისახება.
„აჭარის რესპუბლიკური ბიუჯეტის შემოსულობების 2016 წლის 7 თვის დაზუსტებული გეგმა განისაზღვრა 84 500,4 ათასი ლარით, ხოლო ფაქტიურმა შესრულებამ 103 754,7 ათასი ლარი შეადგინა, რაც გეგმის 122,8 %-ია.
მნიშვნელოვანია, რომ 7 თვის არაფინანსური აქტივების (კლების) გეგმა 25,7%-იანი გადაჭარბებით შესრულდა,რაც ნიშნავს, რომ რეგიონში საინვესტიციო პროცესი აქტიურად მიმდინარეობს, იზრდება სამუშაო ადგილების რაოდენობა. ეკონომიკურად აქტიური პერიოდია, რაც აისახება საშემოსავლო გადასახადზე და ამ მიმართულებითაც გვაქვს გადაჭარბება. ჩვენ ვმუშაობთ ინტენსიურად დამატებითი ინვესტიციების მოზიდვის მიმათულებით“, აცხადებს აჭარის მთავარი ფინანსისტ/ეკონომისტი.
იანვარ-ივლისის მონაცემებით, აჭარის ნაერთი ბიუჯეტი 20%-იანი, ხოლო რესპუბლიკური ბიუჯეტი 23%-იანი გადაჭარბებით შესრულდა.
აჭარის ფინანსთა და ეკონომიკის სამინისტროს ინფორმაციით, აჭარის ნაერთი ბიუჯეტის (7თვე) გეგმა 137 მლნ 728,9 ათასი ლარი იყო, შესრულებამ კი 164 მლნ 955,5 ათასი ლარი შეადგინა, ანუ გეგმა 19,8%-ით გადაჭარბდა.
ბიუჯეტის მონაცემებით, იანვარ-ივლისის ნაერთი ბიუჯეტის გადასახედების მუხლი 119,8-ით, სხვა შემოსავლების მუხლი - 119,8%-, ხოლო არაფინანსური აქტივების (კლება) მუხლი ასევე 119,8 %-ითაა შესრულებული.
რაც შეეხება აჭარის რესპუბლიკური ბიუჯეტის 7 თვის პარამეტრებს, გეგმა 84 მლნ 500,4 ათასი ლარი იყო, თუმცა შესრულებამ 20 მლნ ლარით მეტი, ანუ 104 მლნ 24,2ათასი ლარი შეადგინა, რაც იმას ნიშნავს, რომ გეგმა 23,1%-ით გადაჭარბდა.
საანგარიშო პერიოდში რესპუბლიკური ბიუჯეტის გადასახადების მუხლი 19,8%-ის, სხვა შემოსავლების მუხლი - 174,8%-ის, ხოლო არაფინანსური აქტივების (კლება) მუხლი - 25,7%-ის გადაჭარბებითაა შევსებული.
რაც შეეხება თვითმართველი ერთეულისა და რეგიოონის მუნიციპალიტეტების ბიუჯეტის შესრულების პარამეტრებს ის ასე გამოიყურება: ბათუმი - 102,4%, ქობულეთი - 142,9%, ხელვაჩაური - 124,1%, ქედას - 159,8%, შუახევის - 269,8%, ხოლო ხულოს ბიუჯეტი 493,9%-ითაა შესრულებული.