ბიზნესმენ ბესო ხარძიანის მეუღლე სასამართლოსთვის მიცემულ ჩვენებაში მკვლელობის შემკვეთად გია უდესიანს ასახელებს.

ამ წუთებში, საქალაქო სასამართლოში საქმის არსებითი განხილვა მიმდინარეობს, დღევანდელ პროცესზე ბრალდების მხარის მოწმეებს კითხავენ.

„სასაკლაო მოაწყო ნაცხროვის ჯალათმა გია უდესიანმა", -  განაცხადა ხარძიანის მეუღლემ.

ხარძიანის მეუღლე აცხადებდა, რომ მკვლელობამდე არაერთხელ შეუნიშნავს მოტოციკლი, რომელიც რამდენჯერმე გაყვა მათ ავტომანქანას, ასევე მათი კორპუსის მიმდებარედ შეამჩნია ავტომანქანა, რომელშიც ორი საეჭვო პირი იჯდა.

შეგახსენებთ, რომ ბიზნესმენი ბესო ხარძიანი თბილისში 2015 წლის 28 მარტს მოკლეს. მკვლელობის საქმეზე დაუსწრებლად ბრალდება წარდგენილი აქვთ ოლეგ დოევს და ალექსანდრე გურბანოვს, რომლებიც, გავრცელებულო ინფორმაციით, უკრაინაში იმყოფებიან.