"ერთიანი ნაციონალური მოძრაობის" ერთ-ერთი ლიდერი დავით ბაქრაძე "რუსთავი 2"-ის დაკვეთით გერმანულ-ამერიკული ორგანიზაციის GFK-ს კვლევის შედეგებზე გადაცემაში "არჩევანი" ისაუბრა.

"რეალურად ეს შედეგი ასახავს რეალობას რაც ქვეყანაშია. მე პირადად მთელი საქართველო მაქვს მოვლილი. მე როცა ვსაუბრობ, შეხვედრებზე ვსაუბრობ რეალურ შეხვედრებზე და არა სამსახურის დაკარგვის შიშით მოყვანილ ადამიანებზე, რომლებიც ამბობენ, რომ ქართული ოცნება კარგია. 

ხალხი საუბრობს უიმედობასა და მოლოდინზე, რომ ოქტომბრის არჩევნებზე რაღაც უნდა შეიცვალოს, მე არ მაქვს საფუძველი რომ არ ვენდო ამ კვლევას. ეს არის ორგანიზაცია, რომელიც მუშაობს მთელ მსოფლიოში და შედის მსოფლიო ხუთეულში და რომელმაც ყველა წინა კვლევა, რომელიც ჩაატარა საქართველოში დაამტკიცა, რომ ის ძალიან მაღალი სიზუსტით იცნობს შედეგებს", - განაცხადა დავით ბაქრაძემ.