პიანისტი ელისო ბოლქვაძე “ნაციონალური მოძრაობის“ მთაწმინდის მაჟორიტარობის კანდიდატის ნიკა რურუას წინასაარჩევნო კლიპში მისი კადრების გამოყენებას აპროტესტებს, ამის შესახებ პიანისტმა ოფიციალური განცხადება გუშინ ტელეკომპანია "იმედის" ეთერში, სატეელფონო საუბრისას გააკეთა. 

“არაკორექტულია პოლიტიკოსების წინასაარჩევნო კლიპში ჩემი სახელის გამოყენება ისე, რომ მე არ მკითხონ. ერთადერთი ჩემი ენა არის მუსიკის და მშვიდობის ენა. მე “ნაციონალური მოძრაობის“ ღირებულებებთან ახლოს არ ვდგავარ და არც ამ პარტიის წარმომადგენელი ვარ“, - განაცხადა პიანისტმა.

შეგახსენებთ, რომ “ნაციონალური მოძრაობის“ მთაწმინდის მაჟორიტარობის კანდიდატის ნიკა რურუას წინასაარჩევნო ვიდეორგოლში გამოყენებულია 2011 წელს, მისი კულტურის მინისტრობის დროს ჩატარებული კონცერტის კადრები, რომელშიც ელისო ბოლქვაძეც ჩანს.