,,თავისუფალი დემოკრატების" ლიდერი ირაკლი ალასანია განაგრძობს წინასაარჩევნო შეხვედრებს  მოსახლეობასთან. პარტიის ლიდერმა დიდუბის ამომრჩეველთან  შეხვედრა გამართა და დიდუბის #16ოლქის მაჟორიტარი დეპუტატობის კანდიდატი ლევან სამუშია წარადგინა.

,,მინდა წარმოგიდგინოთ ჩვენი გუნდის ძლიერი, თავისი საქმის პროფესიონალი, პრინციპული ადამიანი –  ლევან სამუშია. დიდუბის N16 ოლქში მაჟორიტარი დეპუტატობისათვის ,,თავისუფალი დემოკრატების გუნდიდან  ასეთი გამორჩეული კანდიდატი იბრძოლებს. ის არასდროს იხევს უკან სამართლიანობისათვის ბრძოლაში, ის არის უდრეკი ყველანაირი უსამართლობის წინაშე. იგი ყოველთვის, როდესაც ხედავდა მოქალაქეების წინააღმდეგ ხელისუფლებისგან მომდინარე საფრთხეს, იყო ამხედრებული და იცავდა მათ. ლევანმა განსაკუთრებულად დაამახსოვრა საზოგადოებას თავი, ამ ხელისუფლების ერთ – ერთი შავი ლაქის, კაბელების საქმით, რომელიც გულისხმობს 5 უდანაშაულო ადამიანის ციხეში გამოკეტვას. იგი არის თავგამოდებული მხარდამჭერი ამ ჯარისკაცების, მათი უფლებების დამცველი და რაც მთავარია ადვოკატი. დიდი მადლობა ლევანს, რომ პოლიტიკურ ბრძოლაშიც ჩაერთო ჩვენთან ერთად. დარწმუნებული ვარ იგი იბრძლებს თითოეული თქვენგანის უფლებებისათვის, თქვენი უკეთესი ცხოვრებისა და უკეთესი მომავლისათვის" , განაცხადა ირაკლი ალასანიამ.