თავისუფალი ტელევიზიის "რუსთავი 2"-ის დირექტორიც ნახეთ რა დღეშია, იქნება პროვოკაციებიც ალბათ, - ამის შესახებ ყოფილმა პრემიერმა ბიძინა ივანიშვილმა რაჭაში ჟურნალისტებთან შეხვედრის დროს განაცხადა.

ივანიშვილის თქმით, ნაციონლური მოძრაობა არჩევნების გზით პრალამენტში ვერ მოხვდება და პარტია დესტაბილიზაციის მცდელობაში დაადანაშაულა.

"ახლა დარჩა ბოლო შემოდგომა და რა თქმა უნდა, კუთხეში არიან შეყრილები, ძალიან კარგად იციან, რომ არჩევნების გზით, ლეგიტიმურად არავითარი შანსი მათ არ აქვთ, რომ ხელისუფლება აიღონ. 48 კაცი ყავდათ პარლამენტში და ახლა მაგათი უკეთესი შედეგი 10 კაცია, შესაბამისად ძალიან მძიმე მდგომარეობაში არიან. უარესი შედეგი მაგათთვის შეიძლება ისიც იყოს, რომ პარლამენტში ვერ შევიდნენ. ერთადერთი რაზეც შეიძლება აქცენტი გააკეთონ ეს არის ძალადობა, რომ ძალით რაღაც რევოლუცია მოახდინონ და ის კაცი უკრაინიდან გამოდის და დაუფარავად რაღაცეებს გვმოძღვრავს. თავისუფალი ტელევიზიის "რუსთავი 2"-ის დირექტორიც ნახეთ რა დღეშია, იქნება პროვოკაციებიც ალბათ, მაგრამ მე ვფიქრობ, იქნება რაღაც მინი პატარა პროვოკაციები, მათ მეტი რესურსი არ გააჩნიათ,“ - განაცხადა ბიძინა ივანიშვილმა.