თბილისის საქალაქო სასამართლოს ყოფილი თავმჯდომარე, მამუკა ახვლედიანი მოსამართლეთა ნაწილს კიდევ ერთხელ აკრიტიკებს, მათ შორის მოსამართლე ცერცვაძეს და ჩინჩალაძეს. მისი შეფასებით, სასამართლო სისტემაში არის პრობლემები, რომელთა გამოსწორებაზეც პოლიტიკური ნება არ არსებობს.

დღეს სასამართლოში მისი საქმის განხილვის დაწყებამდე ახვლედიანმა ასევე განაცხადა, რომ ,,ამ ქვეყანაში დოქსოპულოების დრო უნდა დამთავრდეს”.

ასევე ახვლედიანი აცხადებს, რომ მოსამართლეები ირჩევა მორჩილების პრინციპით. ის ასევე გამოთქვამს ეჭვს სასმართლოში კორუფციასთან დაკავშირებით და ხელისუფლების წარმომადგენელთა მხრიდან სავარაუდო ზეწოლასთან დაკავშირებით, რაშიც მისი თქმით, კონკრეტული ბიზნესმენებიც არიან ჩართულები. ახვლედიანი აცხადებს, რომ არსებობენ მოსამართლეები, რომლებიც იღებენ გადაწყვეტილებებს თანხის სანაცვლოდ.

დღეს საქალაქო სასამართლოში გამწესრიგებელი სხდომაა ჩანიშნული ახვლედიანის იმ სარჩელზე, რომლითაც მისი თანამდებობიდან გათავისუფლებაზე იუსტიციის უმაღლესი საბჭოს გადაწყვეტილებას აპროტესტებს. მამუკა ახვლედიანი პროცესზე დასწრებას არ აპირებს, მისი თქმით, საქმემ სტრასბურგის სასამართლოში გაგზავნამდე ფორმალურად უნდა გაიაროს ყველა ინსტანცია.