”ეს არის ბარბაროსობა და არა ანტიტერორისტული ოპერაცია" - ასე შეაფასა სირიაში რუსეთის ქმედებები შეერთებული შტატების წარმომადგენელმა სამანტა პაუერმა გაეროს უშიშროების საბჭოს საგანგებო სხდომაზე, რომელიც სირიაში შექმნილი ვითარების გამო საგანგებოდ შეიკრიბა.

”იმის მაგივრად, რომ მშვიდობის დამყარებისთვის იზრუნონ, რუსეთი და ასადის რეჟიმი ბომბავენ ჰუმანიტარულ კოლონებსა და საავადმყოფოებს. სირიაში კონფლიქტის შეწყვეტა შეუძლებელია, სანამ მოსკოვი საბრძოლველად არის მომართული. რუსეთი სირიაში ბარბაროსულად იქცევა,“-აღნიშნა პაუერმა.  

 თავის მხრივ რუსეთის ელჩმა, ვიტალი ჩურკინმა ერთ კვირიანი ზავის დარღვევაში ასადის ოპოზიცია დაადანაშაულა. მისი თქმით, სირიაში მშვიდობის დამყარება შეუძლებელ მისიად იქცა.

ასადის ავიაციის მიერ ქალაქ ალეპოზე მასშტაბური იერიშის შედეგად,  ბოლო მონაცემებით, 80 ადამიანზე მეტია დაღუპული.