ჩუღურეთის რაიონს ახალი სკვერი შეემატება.  ვეშაპურის ქუჩაზე,  ჩუღურეთის რაიონის გამგეობის დაფინანსებით,  სკვერის მშენებლობა მიმდინარეობს. რაიონის გამგებელმა ზურაბ ჩიკვილაძემ მიმდინარე სამუშაოები დაათვალიერა და იქ მცხოვრებ მოსახლეობას შეხვდა. 

პროექტის ფარგლებში, სკვერის ტერიტორიაზე მოეწყობა ბორდიურები და დეკორატიული ფილები, დაიდგმება სკამები და ურნები, ხოლო პატარებისთვის მოეწყობა გასართობი და სავარჯიშო ზონები.

“სკვერის და პროექტებისას მოქალაქეების ყველა მოთხოვნა გავითვალისწინეთ, მათ ამ მყუდრო და კეთილმოწყობილს კვერში სრულფასოვანი დასვენება შეეძლებათ.  ძალიან მნიშვნელოვანია თითოეული მათგანის ჩართულობა ქალაქის გალამაზებაში. ამ ქუჩაზე სხვა ინფრასტრუქტურული სამუშაოებიც განვახორციელეთ, კერძოდ, ქუჩაზე მოწესრიგდა სანიაღვრე სისტემა და დავაგეთ ბაზალთის ქვაფენილი,“ - განაცხადა ჩუღურეთის რაიონის გამგებელმა, ზურაბ ჩიკვილაძემ.

ჩუღურეთის რაიონს, მიმდინარე წელს,  4 ახალის სკვერი შემატა, არსებულ  30 სკვერს კი აღდგენა-რეაბილიტაცია ჩაუტარდა.