აშშ-ში 30-მეტრის სიმაღლის ხიდიდან გადახტომის შემდეგ ორი მცირეწლოვანი ბავშვი, ცოცხალი გადარჩა. მამა, რომელსაც გადახტომისას ბავშვები ხელში ეჭირა, დაცემისთანავე დაიღუპა. ინციდენტი ნიუ-ჯერსის შტატში მოხდა.

პოლიციას ჯონ სპინკენის ცხედართან ცოცხლადგადრჩენილი 3 და 1 წლის ბავშვები დახვდათ. ორივე გონზე იყო.

იმ ფაქტს, რომ ბავშვები გადარჩნენ, პოლიცია სასწაულად მიიჩნევს. პოლიციელები ვარაუდობენ, რომ ბავშვები ხეების ტოტებმა გადაარჩინა.

ბიჭუნები საავადმყოფოში გადაიყვანეს, მათ სერიოზული დაზიანებები აქვთ, თუმცა ბავშვების სიცოცხლეს საფრთხე არ ემუქრება.

მედია წერს, რომ სპინკენს ცოლთან უთანხმოება მოუვიდა, რა დროსაც ის ცოლს თვითმკვლელობითა და ბავშვებისთვის ზიანის მიყენებით დაემუქრა. ჩხუბის შემდეგ მამაკაცი შვილებთან ერთად სახლიდან გავიდა.

სპინკენი 37 წლის იყო. სოციალურ ქსელში ის ხშირად აქვეყნებდა ოჯახურ, თბილ ფოტოებს. მომხდართან დაკავშირებით დაწყებულია გამოძიება.