რუსეთში მომხდარ თავდასხმაზე პასუხისმგებლობა „ისლამურმა სახელმწიფომ“ აიღო
ნიჟნი ნოვგოროდში 23 ოქტომბერს განხორციელებულ თავდასხმაზე პასუხისმგებლობა „ისლამურმა სახელმწიფომ“ აიღო. ეს ინფორმაცია ისლამისტებთა სააგენტო „ამაქზე“ დაყრდნობით მონიტორინგის ჯგუფმა „საიტინტელმა“ გაავრცელა. 23 ოქტომბერს პოლიციელებმა საეჭვო ავტომანქანის გაჩერება სცადეს, რის შემდეგაც მანქანაში მსხდომებმა ცეცხლი გახსნეს. ინციდენტის შედეგად ერთი სამართალდამცავი დაშავდა.
