ინდოელმა ძალოვანებმა ციხიდან გაქცეული ტერორისტების   ლიკვიდირება მოახდინეს.  სააგენტო ANI-ის ინფორმაციით, დაჯგუფება ”ინდოეთის სტუდენტთა ისლამური მოძრაობის” (SIMI ) წევრებთან  შეტაკება ქალაქ ბჰოპალის მისადგომებთან მოხდა. გავრცელებული ინფორმაციით, ინდოეთის ციხიდან რვა ტერორისტი გაიქცა. ინდური მედიის ცნობით, დაჯგუფება ”ინდოეთის სტუდენტთა ისლამური მოძრაობის” (SIMI ) წევრები ქალაქ ბჰოპალის საპყრობილედან გაიქცნენ.

პატიმრებმა ციხიდან გაქცევა იმ დროს მოახერხეს, როდესაც მთელი ქვეყნის მოსახლეობა დივალის დღესასწაულს აღნიშნავდა. მათ დაცვის წევრი მოკლეს და ღობეზე გადაბმული ზეწრების დახმარებით გადაძვრნენ.

დაჯგუფება SIMI 1977 წელს ჩამოყალიბდა. მის მიზანს დასავლეთის ზეგავლენისგან ინდოეთის მუსლიმების გათავისუფლება წარმოადგენს. ხელისუფლება ორგანიზაციას ტერორისტულ დაჯგუფებად მიიჩნევს და ის 2001 წლიდან არის აკრძალული.