ევროკავშირის ქვეყნების საგარეო საქმეთა მინისტრებს აშშ-სთან მჭიდრო ურთიერთობის იმედი აქვთ მას შემდეგ რაც დონალდ ტრამპი პრეზიდენტის მოვალეობის შესრულებას დაიწყებს. ამის შესახებ ევროკავშირის უმაღლესმა წარმომადგენელმა საგარეო პოლიტიკის საკითხებში ფედერიკა მოგერინიმ განაცხადა.

”ჩვენ ერთად გადავწყვიტეთ ვითანამშრომლოთ მომავალ ადმინისტრაციასთან, გარდამავალი პერიოდის დაწყების პირველივე კვირიდან”, - განაცხადა მან ბრიუსელში მინისტრების არაფორმალური შეხვედრის შემდეგ.

ევროკავშირის საგარეო საქმეთა მინისტრების ოფიციალურ სამიტზე, რომელშიც 28-ვე ქვეყნის წარმომადგენელი მონაწილეობს, თურქეთთან ურთიერთობასა და ნატოსთან თვადცვითი სფეროს  საკითხებს განიხილავენ.