მინისტრთა კაბინეტის ახალი შემადგნელობა და სამთავრობო პროგრამა დღეს ბიუროს სხდომაზე დარეგისტრირდება. მანამდე მთავრობის ადმინისტრაციაში საგანგებო პრესკონფერენია გაიმართება 14:00 საათზე. 

გიორგი კვირიკაშვილი პარლამენტს დასამტკიცებლად 19 მინისტრის კანდიდატურას წარუდგენს. ამის შემდეგ პარლამენტი მთავრობის ახალ შემადგენლობას საკომიტეტო, უმრავლესობისა და უმცირესობის ფორმატში მოუსმენს.

ცნობილია, რომ პარლამენტიდან სამთავრობო გუნდში დაბრუნდება კახა კალაძე, კვლავ ენერგეტიკის მინისტრის პოსტზე. ეკონომიკის მინისტრი გიორგი გახარია გახდება, დიმიტრი ქუმსიშვილი კი ნოდარ ხადურს ჩაანაცვლებს. ახალ მინისტრთა კაბინეტში სავარაუდოდ აღარ იქნება ინფრასტრუქტურის მინისტრი ნოდარ ჯავახიშვილი. გავრცელებული ინფომრაციით, ჯავახიშვილი აუდიტის სამსახურში გადადის.

ცვლილებები არ შეხებია ძალოვან სტრუქტურებს. რიგგარეშე სესია, სადაც ახალ მთავრობას ნდობა უნდა გამოუცხადონ, შაბათს გაიმართება.