,,ნაციონალური მოძრაობის” ერთ-ერთმა ლიდერმა ნიკა მელიამ ე.წ. მატროსოვის ციხეში ვანო მერაბიშვილთან გამართული შეხვედრის შემდეგ განაცხადა, რომ ის ენმ-ის გენერალური მდივნის თანამდებობას აღარ იკავებს,

„ვანო მერაბიშვილის პოზიციაა, რომ იგი არ დარჩეს „ნაციონალური მოძრაობის“ გენერალური მდივნის თანამდებობაზე“, - აღნიშნა მელიამ.

რაც შეეხება პარტიაში დარჩენის ან პარტიიდან გასვლის საკითხს, მისი თქმით, ამის შესახებ პოლიტიკურ განცხადებას თავად ვანო მერაბიშვილი გააკეთებს.

„ის ამჟამად ელოდება სტრასბურგის სასამართლოს დიდი პალატის სხდომას, სადაც მისი საქმე განიხილება. ამის შემდეგ ვანო მერაბიშვილი თავად გააკეთებს პოლიტიკურ განცხადებას“, - განაცხადა ნიკა მელიამ, რომელმაც  ენმ-ის გენერალური მდივნის თანამდებობა პარტიის ყრილობაზე, 20 იანვარს დაიკავა.