თანამედროვეობის ყველაზე მდიდარი ფეხბურთელი კრიშტიანუ რონალდუ ქორწინდება. 31 წლის პორტუგალიელმა მარტოხელა ცხოვრებას ბოლო მოუღო.

მადრიდის ”რეალის” თავდამსხმელის რჩეული 21 წლის ესპანელი მოდელი ჯორჯინა როდრიგესი გახდა.  იმის მიუხედავად, რომ შეყვარებულები ერთმანეთს ჯერ მხოლოდ ოთხი თვეა რაც ხვდებიან, ფეხბურთელმა სწორედ მასთან გადაწყვიტა ქორწინების უღელის დადგმა.

ინსაიდერების ცნობით, ფეხბურთელის გადწყვეტილებაში დიდი როლი შეასრულა დედამისმაც, რომელიც შვილის გატაცებებს ყოველთვის ეჭვის თვალით უყურებდა.  

თუმცა ჯორჯინა როდრიგესი მისი აზრით, სწორედ ის გოგონაა, რომელიც კრიშტიანუსთვის იდეალური ცოლი იქნება. დედის შეფასება გადამწყვეტი აღმოჩნდა რონალდუსთვის: ფეხბურთელის ქორწინება 2018 წლის მაისში შედგება.