აშშ-ის პრეზიდენტმა დონალდ ტრამპმა მის წინააღმდეგ განწყობილ პრესას კვლავ უწოდა ”ოპოზიციური პარტია” და ”ხალხის მტერი”.

”არსებობს დიდი ფეიკური მედია. უზარმაზარი ფეიკური რეპორტაჟები. პრობლემა ის არის, რომ ადამიანებმა, რომლებიც ამ რეოპრტაჟების შექმნაში არ მონაწილეობენ, ამის შესახებ არ იციან”, - განუცხადა ტრამპმა გამოცემა Breibart News-ს.

პრეზიდენტმა კიდევ ერთხელ გააკრიტიკა პოპულარული გაზეთი New York Times-ი, რომელიც თავის მხრივ Breibart-ს ულტრამემარჯვენე გამოცემად მიიჩნევს.

”ეს შეგნებულად კეთდება. თუ თქვენ კითხულობთ New York Times-ს, მიხვდებით, თუ რამდენად ბოროტი და მანკიერია მისი ზრახვები. რეპორტაჟებში ძირითად სიცრუეა”, - განაცხადა ტრამპმა.

ტრამპმა გაზეთი მის მიმართ სექსუალური ძალადობის ბრალდების პროპაგანდაშიც დაადანაშაულა.

Breibart-ი ტრამპის მომხრეების ძირითადი დასაყრდენია. მისი პოპულარობა წინსაარჩევნო კამპანიის დროს განსაკუთრებულად გაიზარდა.