რუსმა სამხედროებმა სირიის ოპოზოციურ ძალებს, რომელსაც მხარს აშშ უჭერს, ავიადარტყმები მიაყენეს. ამის შესახებ უცხოური მედია ამერიკელ გენერალ სტივენ ტაუნსენდზე დაყრდნობით იუწყება, რომელიც ”ისლამური სახელმწიფოს” წინააღმდეგ ოპერაციის ხელმძღვანელობს.

ტაუნსენდის თქმით, ინციდენტი ჩრდილოეთ სირიაში მოხდა. ”რამდენიმე რუსულმა თვითმფრინავმა დარტყმები მიაყენა სოფლებს, სადაც მათი აზრით ”ისლამური სახელმწიფოს მებრძოლები იყვნენ გამაგრებული, თუმცა სინამდვილეში იქ სირიის არაბული კოალიციის ძალები იმყოფებოდნენ”, - განუცხადა მან ჟურნალისტებს.

ტაუნსენდის თქმით, ამერიკელი სპეცრაზმელები იმ რაიონიდან, სადაც დარტყმები განხორციელდა, ხუთ კილომეტრში იმყოფებოდნენ. მისივე თქმით, ამერიკელმა სამხედროებმა რუსულ მხარეს მომხდარის შესახებ აცნობეს, რის შემდგაც ავიადარტყმები შეწყდა.

რუსეთის თავდაცვის სამინისტროს განცხადებით, მათ ავიაციას სირიაში აშშ-ის მიერ მითითებულ რაიონებში არცერთი დარტყმა არ განუხორციელებია.