ესპანეთში 10 წლის ბიჭმა თანაკლასელებს 10 ათასი ევრო დაურიგა, რომელსაც პაპამისი სახლისთვის წამლებისა და სამედიცინო მოწყობილობისთვის აგროვებდა.

როგორც Daily Mail-ი წერს, ინციდენტი ბარსელონას პროვინციის ერთ-ერთ სასწავლო დაწესებულებაში მოხდა. დასვენების დროს მასწავლებლებმა ყურადღება მიაქციეს იმ ფაქტს, რომ ბავშვებს ხელში რამდენიმე 100-ევროიანი ეჭირათ. მოსწავლეებმა უამბეს, რომ ფული თანაკლასელმა მისცა. 10 წლის ბიჭმა მართლაც ყველაფერი აღიარა. მასწავლებელმა WhatsApp-ში სპეციალური ჩატი შექმნეს და მშობლებს მათი შვილების გულუხვი თანაკლასელის ფულის დაბრუნება სთხოვეს.

ფულის დიდი ნაწილის დაბრუნება მოხერხდა, თუმცა მისი გარკვეული ნაწილი ბავშვებმა ტკბილეულსა და სტიკერებში დახარჯეს.