12 წლის მოზარდი მამა გახდა
ინდოელი 12 წლის მოზარდი მამა გახდა. შემთხვევა კერალის შტატში მოხდა. ბავშვი ჯერ კიდევ 2016 წლის ნოემბერში დაიბადა. ახალშობილის 17 წლის დედა ამტკიცებდა, რომ მისი შვილის მამა 12 წლის ბიჭი იყო. ახლახან ჩატარებულმა დნმ-ის ანალიზმა მოზარდის მამობა დაადასტურა.
გაზეთ Indian Express-ის ცნობით, გოგონას განცხადების საფუძველზე პოლიციამ მოზარდი გაუპატიურების ბრალდებით დააკავა, მოგვიანებით კი გირაოთი გაათავისუფლა.
ახალგაზრდა მშობლების ვინაობა არ სახელდება. ცნობილია, რომ ისინი ერთმანეთის ბიძაშვილები არიან და მეზობლად ცხოვრობენ.
