მოლდოვას პრეზიდენტი კვლავ აცხადებს, რომ კიშინიოვში ნატოს ოფისის გახსნა კატეგორიულად მიუღებლია. მისი აზრით, მან შესაძლოა ნეგატიურად იმოქმედოს კიშინიოვისა და ტირასპოლის (დნესტრისპირეთის თვითგამოცხადებული რესპუბლიკის დედაქალაქი) ურთიერთობებზე.

”ჩვენი პოზიცია კიშინიოვში ნატოს ოფისის გახსნათან დაკავშირებით უცვლელი რჩება - მოცემული ქმედება კატეგორიულად მიუღებელია. უკნასკნელ პაერიოდში არსებითი ძვრები შეიმჩნევა დნესტრისპირეთის დარეგულირების პროცესში და მოლდოვას დედაქალაქში ნატოს ოფისის გახსნამ შესაძლოა ნეგატიური გავლენა მოახდინოს კიშინიოვსა და ტირასპოლს შორის ურთიერთობის განვითარების დინამიკაზე”, - წერს დოდონი Facebook-ის თავის გვერდზე.

მანამდე დოდონი აცხადებდა, რომ თუ ნატოს ბიურო კიშინოვში წელს გაიხსნებოდა, მომავალ წელს საპარლამენტო არჩევნების შემდეგ დაიხურებოდა.

მოლდოვას პრემიერ-მინისტრმა  და ნატოს გენერალურმა მდივანმა კიშინიოვში ნატოს ბიუროს გახსნის შესახებ შეთანხმებას ხელი 2016 წლის ნოემბერში მოაწერეს.

შესაბამისი დოკუმენტის რატიფიცირება მოგვიანებით ქვეყნის პარლამენტმა მოახდინა. მოლდოვას საგარეო საქმეთა სამინისტროს ინფორმაციით, ოფისი მუშაობას აპრილში შეუდგება.