ექსპერტებმა იდლიბში ქიმიური ნივთიერების - ზარინის გამოყენება დაადასტურეს
ქიმიური იარაღის ამკრძალავმა ორგანიზაციამ იდლიბის პროვინციაზე ავიაიერიშისას ზარინის ან ანალოგიური ნერვულ-მაპარალიზებელი მოქმედების ნივთიერების გამოყენება დაადასტურა.
ორგანიზაციის ხელმძღვანელის თქმით, აღნიშნულ დასკვნამდე კვლევების შედეგად მივიდნენ.
ამბოხებულების კონტროლირებად ქალაქ ხან-შეიხუნზე განხორციელებული ავიადარტყმის შედეგად 4 აპრილს სულ მცირე 87 ადამიანი დაიღუპა. ამ დრომდე უცნობია თუ ვინ გამოიყენა ქიმიური იარაღი.
მომხდარში დასავლეთი სირიის ხელისუფლებას ადანაშაულებს, ბაშარ ალ ასადი კი ბრალდებას კატეგორიულად უარყოფს.
