სირიასა და ერაყში თურქეთის სამხედრო ავიაციის მიერ ქურთთა პოზიციების დაბომბვისას 30-ზე მეტი ადამიანი დაიღუპა და ათეულობით დაშავდა. ამის შესახებ Fox News-ი პენტაგონის წარმომადგენლებზე დაყრდნობით იუწყება. წყაროს ინფორმაციით, დაღუპულთა და დაშავებულთა შორის ამერიკელი სამხედროები არ არიან, ისინი დაბომბვის ადგილიდან ექვსი მილის დაშორებით იმყოფებოდნენ.

თურქულმა ავიაციამ გუშინ ჩრდილოეთ სირიასა და ერაყში ქურთების პოზიციებს ავიდარტყმები მიაყენა.

თურქული მხარის განცხადებით განადგურებულია ქურთთა მუშათა პარტიის ობიექტები.

აშშ-ის სახელმწიფო დეპარტამენტის ოფიციალური წარმომადგენლის მოადგილის მარკ ტონერის განცხადებით,  ვაშინგტონი შეშფოთებულია იმით, რომ თურქეთმა ავიადარტყმები აშშ-სთან და საერთაშორისო კოალიციასთან შეუთანხმებლად განახორციელა.