ქაბულში ძლიერ აფეთქებას მსხვერპლი მოყვა
ავღანეთის ჯანდაცვის სამინისტროს ინფორმაციით, ცხრა ადამიანი დაიღუპა და 90 დაიჭრა ქაბულის ცენტრში მომხდარი აფეთქებისსა. ამის შესახებ სააგენტო „როიტერი“ იტყობინება.
ტელეარხი Tolo News-ი წყაროზე დაყრდნობით იუწყება, რომ აფეთქების შედეგად სულ მცირე 50 ადამიანი დაიღუპა და 100-ზე მეტი დაიჭრა.
ძლიერი აფეთქების ხმა ქაბულის ცენტრში დილით გაისმა. ინციდენტი უცხო ქვეყნების საელჩობისა და პრეზიდენტის რეზიდენციის სიახლოვეს მოხდა. დაზიანდა რამდენიმე ნაგებობა. „როიტერის“ ინფორმაციით, დანაღმული ავტომობილი გერმანიის საელჩოსთან აფეთქდა.
წინასწარი მონაცემებით, წყლის გადამზიდი ავტომანქანა აფეთქდა.
