აშშ-ის ხელისუფლება ამერიკელ ნილ უაიტს შვიდი წლის ქალიშვილის მკვლელობაში ადანაშაულებს. ის შვილის მეურვეობას თავის ცოლთან - სამაუწყებლო კომპანია NBC Universal-ის ვიცე-პრეზიდენტთან მიშელ ჰორდ-უაიტთან ერთად იყოფდა.

სამართალდამცველების ინფორმაციით, გოგონას გარდაცვალების მიზეზი სამედიცინო ექსპერტიზის შემდგ დადგინდება, თუმცა ისინი ვარაუდობენ, რომ ბავშვი გაგუდულია.

გავრცელებული ინფორმაციით, გოგონა პირველად მისმა ძიძამ აღმოაჩინა. მან ბავშვი თავის საწოლზე მკვდარი იპოვა.

ძიძის თქმით, უაიტმა მას შეატყობინა, რომ გაბრიელი თავს შეუძლოდ გრძნობდა და სახლში მასთან დარჩებოდა, რაც მას საეჭვოდ მოეჩვენა, რადგან გოგონას დედას ის ამის შესახებ არ გაუფრთხილებია.

სახლში მისვლისას კი უაიტმა უთხრა, რომ გაბრიელი საძინებელში ისვენებდა.

ქალაქ ნიუ-როშელის პოლიციამ  ადგილზე ორთაბრძოლის კვალი ვერ აღმოაჩინა და განაცხადა, რომ ბავშვის სიკვდილის დროის დადგენა ჯერ არ შეუძლია.

შემთხვეიდან მეორე დღეს კი სამართალდამცველებმა 47 წლის მამაკაცი დააკავა და მკვლელობის ბრალდება წაუყენეს.

მიშელ ჰორდ-უაიტმა და მისმა ქმარმა ნილმა განქორწინებაზე განცხადება აპრილში შეიტანეს. ამ დროისათვის ისინი ცალ-ცალკე ცხოვრობდნენ და გაბრიელზე მეურვეობას ინაწილებდნენ.