ამერიკელი სამანტა გეიმერი, რომელიც 1977 წელს 13 წლის ასაკში რეჟისორმა რომან პოლანსკიმ გააუპატიურა, ლო-ანჯელესის სასამრთლოს მის მიმართ ჩადენილი დანაშაულის საქმის შეწყვეტის თხოვნით მიმართaვს.

რეჟისორმა 1978 წელს დანაშაული აღიარა, ციხეში 42 დღე გაატარა, შემდეგ კი აშშ-დან გაიქცა. პოლანსკის ადვოკატის გარლანდ ბრაუნის თქმით, სამანტა გეიმერი სასამართლოში თავის ქმართან ერთად გამოცხადდება. „ის დაიღალა ამ საქმით, რომელიც უკვე 40 წელია გრძელდება, მას უნდა რომ ყველაფერი დამთავრდეს“, - განმარტა ადვოკატმა.

გეიმერის თხოვნა რეჟისორის წინააღმდეგ საქმის ავტომატურად დახურვას არ ნიშნავს. ამის შესახებ გადაწყვეტილება სასამართლომ უნდა მიიღიოს.

ბოლო დროს გეიმერი ხშირად საუბრობდა, რომ რეჟისორს აპატია, თუმცა დღეს ის პირველად გამოვა საჯაროდ ამ საქმის მოსმენაზე.

1977 წელს რომან პოლანსკიმ ინტიმური კავშირი დაამყარა 13 წლის სამანტა გეიმერთან, როდესაც მას ფოტოსურათებს უღებდა ფრანგულ ჟურნალ Vogue-სთვის, მსახიობ ჯეკ ნიკოლსონის სახლში.

ამერიკის კანონების თანახმად, პოლანსკის 50-წლიანი პატიმრობა ემუქრებოდა. ამჟამად 83 წლის პოლანსკი პარიზში ცხოვრობს, ასევე ფლობს საცხოვრებელ სახლს პოლონეთის ქალაქ კრაკოვში.