ესპანელი მხატვრის სალვადორ დალის ცხედარს ექსგუმაციას ჩაუტარებენ. ამის შესახებ ინფორმაციას BBC ავრცელებს.

ესპანეთის სასამართლომ შესაბამისი გადაწყვეტილება მამობის ტესტის ჩასატარებლად მიიღო.

უნდა აღინიშნოს, რომ ამ გადაწყვეტილების საფუძველი გახდა ის ფაქტი, რომ ანალიზის ჩასატარებლად დალის პირადი ნივთები შემონახული არ არის.

59 წლის პილარ აბელი აცხადებს, რომ მხატვრის ქალიშვილია და მისი მემკვიდრეობის მიღების უფლებისთვის იბრძვის. მან სასამართლოში სარჩელი 2015 წლის მარტში შეიტანა.

პილარის მტკიცებით, დედამისს ანტონია მარტინეზ დე აროს მხატვართან სასიყვარულო ურთიერთობა 1955 წელს ჰქონდა და მასთან ერთად სოფელში ცხოვრობდა, სადაც მეზობელი ბავშვების ძიძად მუშაობდა.

სასამართლოზე მოპასუხედ გამოდის ესპანეთის სამეფო და სალვადორ დალის ფონდი, რომლებიც მხატვრის შემოქმედებითი მემკვიდრეობის მფლობელები არიან.

დალი 1989 წელს გარდაიცვალა. ის სიურეალიზმის ერთ-ერთ საკვანძო ფიგურას წარმოადგენს. მხატვრის ნახატები, რომლებიც ესპანეთის სახელმწიფოს ეკუთვნის, 325 მლნ ევროდ არის შეფასებული.