საავადმყოფოში პაციენტმა ორი ადამიანი დაჭრა, შემდეგ კი თავი მოიკლა
ლას-ვეგასის ერთ-ერთ საავადმყოფოში პაციენტმა ცეცხლი გახსნა, დაჭრა ორი ადამიანი, შემდეგ კი თავი მოიკლა.
პოლიციის ცნობით, მამაკაცმა ექიმთან შესვლა რიგის გარეშე ითხოვა. როდესაც უარი მიიღო, ცეცხლსასროლი იარაღიდან სროლა დაიწყო.
კაბინეტში სადაც სროლა მოხდა, ათამდე ადამიანი იმყოფებოდა.
შეიარაღებულმა მამაკაცმა ორი ექიმი დაჭრა. ისინი ჰოსპიტალში მოათავსეს. დაჭრილთა სიცოცხლეს საფრთხე არ ემუქრება.
შექმნილი პანიკის გამო კიდევ ორი ადამიანი მსუბუქად დაშავდა.
