ჩინეთში წყალდიდობას 33 ადამიანი ემსხვერპლა
ჩინეთის სამხრეთით რამდენიმე პროვინციაში წყალდიდობას 33 ადამიანი ემსხვერპლა, 15 კი უგზო-უკვლოდ დაკარგულად არის მიჩნეული.
ძლიერი წვიმები გასულ შაბათ-კვირას დაიწყო. სტიქია 9,5 მლნ ადამიანის შეეხო. ხელისუფლებამ ასობით ათასი მცხოვრების ევაკუირება მოახდინა.
ეკონომიკური ზარალი 2,65 მლრდ დოლარად არის შეფასებული.
სტიქიის შედეგად დაინგრა 19 ათასი სახლი, 189 ათასი შენობა კი დაზიანდა.
მეტეოროლოგების ცნობით, წვიმები კვირის ბოლომდე გაგრძელდება.
