რუსთავში სასურსათო მაღაზიიდან თანხა გაიტაცა
რუსთავში, მე-17 მიკრო რაიონში მდებარე სასურსათო მაღაზიიდან უცნობმა პირმა თანხა გაიტაცა და მიიმალა. შემთხვევა წუხელ გვიან ღამით მოხდა.
როგორც ირკვევა, 40 წლამდე ასაკის მამაკაცი გვიან ღამით მაღაზიაში შევიდა, მან დახლიდან 150 ლარამდე თანხა აიღო და მიიმალა.
შსს-ს ცნობით, ქურდობის ფაქტი დაუდასტურეს და განაცხადეს, რომ მაღაზიიდან წაღებულია მცირე ოდენობის თანხა. ფაქტთან დაკავშირებით აღიძრა სისხლის სამართლის საქმე და მიმდინარეობს გამოძიება.
