ინტერნეტში მუსულმანი ქალებისთვის სექსის შესახებ  პირველი სახელმძღვანელო გავრცელდა. ინფორმაციას The Guardian-ი ავრცელებს.

ავტორმა ანონიმად დარჩენა ისურვა და უმ მულადჰათის ფსევდონიმი გამოიყენა. 54- ფურცლიან წიგნში დაწვრილებით არის მოცემული ინსტრუქციები სწორად კოცნისა და სექსუალური პოზების შესახებ.

წიგნის ავტორი ვარაუდობს, რომ მუსულმან ქალებს შეეძლებათ დატკბნენ თავიანთი სექსუალური ცხოვრებით.

აქცენტი კეთდება იმაზე, რომ მუსულმანი ქალები სექსით მხოლოდ თავიანთ ქმრებთან უნდა დაკავდნენ.

კრიტიკოსებმა ავტორი აღვირახსნილობაში დაადანაშაულეს. ზოგიერთის აზრით, გოგონებს ყველაფერს თავიანთი დედები ასწავლიან.

თუმცა ზოგიერთმა მუსულმანმა ქალმა წიგნი შეაქო და განაცხადა, რომ ის ქალებს თავისუფლების შესაძლებლობას მისცემს  და დაიცავს მათ შეურაცხმყოფელი სექსუალური ურთიერთობისგან.

დიდი ბრიტანეთის მუსულმანი ქალების ორგანიზაციის თავმჯდომარის შაისტა გოჰირის თქმით, ისლამში სექსის შესახებ  საუბარი სიახლე არ არის. მისივე თქმით, წარსულში მეცნიერები ყოველთვის ხაზს უსვამდნენ ქალების სექსუალური სიამოვნების აუცილებლობაზე.