75 წლის წინ შვეიცარიის ალპებში დაკარგული ცოლ-ქმრის ცხედრები ლღობად მყინვარზე აღმოაჩინეს.

1942 წლის აგვისტოში მარსელენ და ფრანსინ დიუმულენები ძროხების მოსაწველად წავიდნენ და აღარ დაბრუნდნენ.

პოლიციის ინფორმაციით, ერთ-ერთმა მუშამ  2500 მეტრის სიმაღლეზე, ცანფლერონის მყინვარზე ორი ცხედარი იპოვა. გარდაცვლილებს პირადობის დამადასტურებელი დოკუმენტები თან ჰქონდათ.

ცხედრები იდეალურად იყო შენახული ყინულში და მათი დოკუმენეტებიც ხელშეუხებელი აღმოჩნდა.  გარდაცვლილების უმცროსი ქალიშვილის 79 წლის მარსელინ უდრი-დიუმულენის თქმით, შვილები მშობლებს დაკარგვის შემდეგ დღემდე ეძებდნენ.

გარდაცვლილების ვინაობის დასადასტურებლად ნათესავებს დნმ-ის ანალიზის გაკეთება მოუწევთ.