ავიაკომპანია Wizz Air-ის მგზავრი ცაში თვითმფრინავის ავარიული გასასვლელის გახსნას ცდილობდა. ლაინერი ლონდონის  მიმართულებით მიფრინავდა. მგზავრებმა მამაკაცის გაუვნებელყოფა შეძლეს.

ინციდენტი ჯერჯერობით ხულიგნობად მიიჩნიეს, თუმცა რეისის მგზავრები აღნიშნავენ, რომ მამაკაცი უცნაურად ჯერ კიდევ თვითმფრინავისკენ მიმავალ ავტობუსში იქცეოდა.

ინციდენტი Wizz Air-ის თვითმფრინავში მოხდა, რომელიც პოლონეთის ქალაქ კატოვიცეს აეროპორტიდან ლონდონში მიფრინავდა.

დაშვებამდე ნახევარი საათით ადრე, მამაკაცმა ავარიულ გასავლელთან მდებარე სავარძელში გადაინაცვლა.

მოულოდნელად ის კარს მივარდა და გახსნას შეეცადა. იქვე ახლოს მყოფმა სამმა ახალგაზრდამ მამაკაცს ხელი სტაცა და იატაკზე დააგდო.

შემდეგ კი თვითმფრინავის ეკიპაჟმა წესრიგის დამრღვევს ხელები შეუკრა.

მამაკაცი პოლიციას გადასცეს. ის საშიში სიტუაციის შექმნის ბრალდებით დააკავეს.