ტელეკომპანია ,,რუსთავი 2'' ახალ გადაცემაზე მუშაობს, რომელიც უმცირესობებზე, ძირითადად კი ლგბტ ადამიანებზე იქნება, ამის შესახებ ინფორმაციას ,,რუსთავი 2''-ის გენერალური დირექტორი სოციალურ ქსელში ავრცელებს.

მისივე თქმით, აღნიშნულ გადაცემას ღიად გეი და ლესბოსელი წამყვანები ეყოლება.

,,მეგობრებო, სატელევიზიო მიზნებისთვის, მირჩიეთ LGBTQ ორგანიზაციები, რომლებიც აგვარჩევინებენ ხსენებული აბრევიატურიდან L და G წამყვანებს და ასევე კონსულტანტებს. წამყვანების შემთხვევაში, მნიშვნელობა აქვს ყველაფერს (გარეგნობა, მეტყველება, ტელეგენურობა ა.შ.), მეორე შემთხვევაში მნიშვნელოვანია მხოლოდ კვალიფიკაცია, გამჭრიახობა და შრომისმოყვარეობა. წინასწარ გმადლობთ. საკონტაქტო პირი შეკითხვებისთვის და მეტი ინფოსთვის Manana Doi'', - წერს ნიკა გვარამია.