ენმ-ს აქციაზე დაკავებული 3 პირი სასამართლო დარბაზიდან მომდევნო სხდომამდე გაათავისუფლეს
თბილისის საკრებულოს შენობასთან ,,ნაციონალური მოძრაობის” აქციაზე დაკავებული სოსო გურული, ზურაბ ბერიაშვილი და პაატა დევიძე სასამართლო დარბაზიდან გაათავისუფლეს.
მათ საქმეზე მომდევნო პროცესი კი 17 ოქტომბერს გაიმართება.
მოსამართლემ სხდომა დაკავებულების მიერ ადმინისტრაციული სამართალდარღვევის ჩადენის დამადასტურებელი მტკიცებულებების წარდგენის მოტივით გადადო.
თავად დაკავებულების განცხადებით, სამართალდარღვევა არ ჩაუდენიათ და პოლიციამ ისინი უკანონოდ დააკავა.
შეგახსენებთ, გუშინ თბილისის საკრებულოსთან გამართულ საპროტესტო აქციაზე 8 პირი დააკავეს.
