ანჯელინა ჯოლის ახალი სერიოზული ურთიერთობა აქვს, იმის მიუხედავად, რომ ის ფორმალურად ისევ ბრედ პიტის ცოლია. როგორც Hollywoodlife თავის წყაროზე დაყრდნობით იუწყება, ჯოლი უკვე რამდენიმე თვეა 40 წლის ბრიტანელ ბიზნესმენსა და ქველმოქმედს ხვდება.

გამოცემის ცნობით, მსახიობი და მისი რჩეული თავიანთი ურთიერთობის აფიშირებას არ ახდენენ და ყველაფერს უმკაცრესად ასაიდუმლოებენ. ვარსკვლავის ახალ რომანზე არაფერი იციან ბრედ პიტმა და მისმა შვილებმა.

წყარო ამტკიცებს, რომ წყვილი უკვე დანიშნულია და ქორწილისთვისაც კი ემზადება.

მედიის ინფორმაციით, ქორწინების ცერემონია კამბოჯის ერთ-ერთ ეროვნულ ნაკრძალში უნდა გაიმართოს და ის მოკრძალებული ბუდისტუირი ტრადიცებით ჩაივლის.

უნდა აღინიშნოს, რომ რეპორტიორებმა ანჯელინა ჯოლი რამდენჯერმე გაათხოვეს. თუმცა არცერთი ჭორი დღემდე არ დადასტურებულა.

პიტი და ჯოლი ჰოლივუდის ერთ-ერთი ყველაზე ლამაზი წყვილი იყო. ისინი 12-წლიანი ერთობლივი ცხოვრების შემდეგ განქორწინდნენ. მათ ექვსი შვილი ჰყავთ, რომელთაგან სამი აყვანილია.

მსახიობი ბრედ პიტთან ქორწინებამდე ორჯერ იყო გათხოვილი.