ჰოლივუდის გახმაურებულ სექს-სკანდალს ახალი ისტორია შეემატა. ამჯერზე ყურადღების ცენტრში აღმოჩნდა ჩარლი შინი, რომელიც 30 წლის წინ მომხდარ გაუპატიურებაში დაადანაშაულეს.

ყოფილი მსახიობი დომინიკ ბრასკია ამტკიცებს, რომ 1986 წელს ფილმ „ლუკასის“ გადაღებების დროს ჩარლიმ თავისი 13 წლის პარტნიორის - კორი ჰეიმის მიმართ გარყვნილი ქმედება ჩაიდინა. მაშინ ჩარლი 19 წლის იყო.

ბრასკიას თქმით, ჰეიმმა მას ამის შესახებ რამდენიმე წლის წინ უამბო, ვიდრე ის 2010 წელს 38 წლის ასაკში ნარკოტიკების მოხმარების შედეგად გარდაიცვლებოდა.

ასე რომ ძალადობის სავარაუდო მსხვერპლთან სიმართლის გარკვევა ახლა შეუძლებელია, დომინიკ ბრასკია კი ამბობს, რომ ჰეიმი მას შინთან ინტიმური ურთიერთობის გარდა თავის პირად განცდებზეც უყვებოდა.

ბრასკიას თქმით, როგორც კი ჩარლიმ თავის მიზანს მიაღწია, ჰეიმის მიმართ ინტერესი დაკარგა. კორის სურდა მისი დაბრუნება, მაგრამ „უფროსი მეგობარი“ მის მიმართ გაცივდა და მიატოვა.

მას შემდეგ, რაც ბრასკიას ნაამბობი პრესაში დაიწერა, ჩარლი შინის წარმომადგენელმა Hollywood Reporter-ში გამოაქვეყნა განცხადება, სადაც აღნიშნა, რომ მთელი ეს ისტორია სიცრუეა.

მისი განმარტებით, მართალია შინი კორი ჰეიმს იცნობდა, მაგრამ ის, რომ მათ შორის სექსუალური კავშირი იყო, მსახიობი კატეგორიულად უარყოფს.