საქართველოს ყოფილი პრეზიდენტის, მიხეილ სააკაშვილის დაკავების შესახებ ინფორმაცია უკრაინული და ქართული მედიასაშუალებებით ვრცელდება.

გავრცელებული ცნობით, სააკაშვილის ადვოკატები მასთან შეხვდერას ითხოვენ, რასაც ამ დროისთვის ვერ ახერხებენ.

სააკაშვილის საცხოვრებელ სახლში ოპერაციის ჩატარების დეტალებზე მედიაში აცხადებენ, რომ ოპერაცია ადგილობრივი დროით 07:30 საათზე დაიწყო. შეიარაღებულმა სპეცრაზმა მიხეილ სააკაშვილის საცხოვრებელი სახლის კარების დამტვრევა დაიწყო. 

როგორც კი სპეცრაზმმა დააპირა მისი დაკავება, მიხეილ სააკაშვილი შენობის სახურავზე გაიქცა, საიდანაც განაცხადა: „ან აქ დავრჩები ან გადავხტები აქედან“.

დღეს დილიდან უკრაინის გენერალური პროკურატურა და უსაფრთხოების სამსახური მიხეილ სააკაშვილის ბინაში ჩხრეკას ატარებენ.