პოეტ ზვიად რატიანის სასამართლო სხდომაზე მოსარჩელე მხარემ სამი ვიდეომასალა წარადგინა.

მოსამართლემ ლეპტოპი ისე განათავსა, რომ ჩანაწერის ვიზუალური მხარის ნახვა, მხოლოდ მოსამართლესა და მხარეებს შეეძლოთ. ჩანაწერში ისმის გინება და შეურაცხმყოფელი სიტყვები.

ერთი ჩანაწერი არის ტელეფონით გადაღებული, რომელიც ასახავს ქუჩაში,  რაც შეეხება დანარჩენ ორ მასალას, რომლებიც ქუჩაში დამონტაჟებულმა კამერამ დააფიქსირა, რატიანის იზოლატორში გადაყვანასა და შემდგომ განვითარებულ მოვლენებს ასახავს.

მოსარჩელე მხარის მიერ სასამართლო პროცესზე წარდგენილი ვიდეომასალების საქმეში დართვის შუამდგომლობა მოსამართლემ დააკმაყოფილა თუმცა, რატიანის ადვოკატები აცხადებდნენ, რომ აღნიშნული ვიდეომასალები საქმეში არ უნდა ჩადებულიყო. 

გარდა ამისა, ადვოკატები ასევე განმარტავენ, რომ სამართალდამცველებს საპოლიციო კონტროლის დროს, სამხრე კამერების ჩართვის ვალდებულება აქვთ. ბრალდებას დღეს სამხრე კამერების ჩანაწერები არ წარუდგენია. დაცვის მხარე მოითხოვს სრულად იყოს წარდგენილი ვიდეომასალა, რომელიც ასახავს გაჩერების წუთიდან ბოლო წუთამდე განვითარებულ მოვლენებს.