რუსთავში, საცხოვრებელი კორპუსის სადარბაზოში ახალშობილი იპოვეს
რუსთავში, საცხოვრებელი კორპუსის სადარბაზოში ახალშობილი იპოვეს. ამ დროისთვის, ჩვილის სიცოცხლეს საფრთხე არ ემუქრება, ის სამართალდამცავებმა სამედიცინო გამოკვლევის ჩატარების მიზნით კლინიკა ,,რუსთავის" ჩვილ ბავშვთა განყოფილებაში გადაიყვანეს.
შსს-ს ცნობით, მომხდარზე გამოძიება სსკ-ის 127-ე მუხლით მიმდინარეობს, რაც სიცოცხლისათვის საშიშ მდგომარეობაში იმის ჩაყენებას გულისხმობს, ვისაც შესაძლებლობა არ აქვს, მიიღოს ზომები თავის დასაცავად.
დანაშაული ისჯება ჯარიმით ან თავისუფლების აღკვეთით ვადით ორ წლამდე.
