ვარსკვლავები „გრემის“ დაჯილდოების ცერემონიის წითელ ხალიჩაზე (ფოტოკოლაჟი)

წელს ნიუ-იორკში „გრემის“ დაჯილდოების მე-60 ცერემონიაზე წითელი ხალიჩა განსაკუთრებულად გამოიყურებოდა.

ვარსკვალვები სექსუალური შევიწროების წინააღმდეგ მიმდინარე კამპანიის მხარდასაჭერად ცერემონიაზე სიმბოლურად თეთრი ვარდებით მივიდნენ.

თუმცა ეს სიმბოლო ზოგიერთი ვარსკვლავის ჩაცმულობის გამო სრულიად შეუმჩნეველი დარჩა. მაგალითად მოდელ ჰაიდი კლუმს ხალიჩაზე გამჭვირვალე მაქმანებიანი კაბა ეცვა, რომლის ქვეშაც სექსუალური, ასევ მაქმანებიანი თეთრეული მოუჩანდა. 44 წლის მოდელის კაბა ერთ-ერთი ყველაზე დასამახსოვრებელი გახდა.

უნდა აღინიშნოს, რომ მსგავსი ჩაცმულობით თაყვანისმცემლების გაოცება ყვლელა ვარსკვლავს არ უცდია. პინქიმ თაყვანისმცემლებს სხვა სიურპრიზი გაუკეთა. მას ფერადი ბუმბულებიანი კაბა ეცვა, რომელიც ექსპერტების თქმით, 2015 წლის კოლექციიდან იყო. მომღერალი ცერემონიაზე ქმართან, ქალიშვილთან და დედასთან ერთად მივიდა და ძალიან ბედნიერად გამოიყურებოდა.

გამორჩეული იყო ლანა დელ რეი. ჩვეულებრივად ის უპირატესობას მოკრძალებულ ჩაცმულობას ანიჭებს, მაგრამ ამ ჯერზე მომღერალმა აირჩია კაბა ღრმა ჭრილითა და დახვეწილი ნაქარგებით. მისი მთავარი აქსესუარი კი ვარსკვალვებიანი გვირგვინი იყო.

ბრუნო მარსი და ჯესიკა კაბანი