ვადამდელი საპარლამენტო არჩევნები თურქეთში 24 ივნისს გაიმართება
თურქეთის პარლამენტმა კანონპროექტს ვადამდელი საპრეზიდენტო და საპარლამენტო არჩევნების შესახებ მხარი დაუჭირა. არჩევნები 24 ივნისს ჩატარდება.
კანონპროექტს მხარი 450-დან 386-მა პარლამენტარმა დაუჭირა.
ოთხშაბათს თურქეთის პრეზიდენტმა რეჯებ ტაიპ ერდოღანმა განაცხადა, რომ ქვეყანაში ვადამდელი საპრეზიდენტო და საპარლამენტო არჩევნები 2018 წლის 24 ივნისს გაიმართება. მისივე თქმით, ეს არჩევნები საპრეზიდენტო მმართველობით სისტემაზე გადასვლას უკავშირდება.
