აშშ-ის ირანთან ბირთვული შეთანხმებიდან გასვლა შესაძლოა ომის დასაწყისი გახდეს. ამის შესახებ საფრანგეთის ლიდერმა ემანუელ მაკრონმა გერმანულ გამოცემა Spiegel-თან ინტერვიუში განაცხადა.
„ეს პანდორას ყუთის გახსნას ნიშნავს, შესაძლოა ომი დაიწყოს“, - განმარტა მან.

ამასთან საფრანგეთის პრეზიდენტმა ეჭვი გამოთქვა, რომ ამერიკის პრეზიდენტს ახალი კონფლიქტის გაღვივება სურს.

დონალდ ტრამპი დიდ ბრიტანეთთან, გერმანიასთან და საფრანგეთთან დისკუსიის შემდეგ არა უგვიანეს 12 მაისისა, მიიღებს გადაწყვეტილებას იმის შესახებ, დარჩება თუ არა ვაშინგტონი თეირანთან ბირთვული შეთანხმების ერთგული. „ირანთან ბირთვული შეთანხმების გადახედვის“ ფარგლებში ამერიკის ლიდერმა ყოველ სამ თვეში  უნდა გაააგრძელოს ან არ გააგრძელოს ისლამური რესბულიკის მიმართ სანქციები.
ირანმა და საერთაშორისო შუამავლების ექვსეულმა (რუსეთი, აშშ, ბრიტანეთი, ჩინეთი, საფრანგეთი, გერმანია) 2015 წელს ხელი მოაწერეს შეთანხმებას ირანის ბირთვული პრობლემის დარეგულირების შესახებ. შემუშავდა  მოქმედების ერთობლივი გეგმა, რომლის შესრულების შედეგად ირანს ეკონომიკური და ფინანსური სანქციები მოეხსნება, რომლებიც გაერომ, აშშ-მა და ევროკავშირმა დაუწესა.