ამერიკის აიოვას შტატის მცხოვრები რიჩარდ რემე თავისმა ძაღლმა დაჭრა. მამაკაცს შინაურმა ცხოველმა ჭრილობა ცეცხლსასროლი იარაღიდან გასროლით მიაყენა. ინციდენტი პატრონისა და ძაღლის თამაშის დროს მოხდა. ამის შესახებ გაზეთი The Messenger-ი წერს.

დაშავებულმა პოლიციას განუცხადა, რომ მას საკუთარმა ძაღლმა ესროლა. რემე დივანზე იწვა და ცხოველთან თამაშობდა. პისტოლეტი მამაკაცს ქამარზე ეკეთა. მოულოდნელად ძაღლი ახტა და შემთხვევით იარაღის ჩახმახს თათი გაკრა. მამაკაცს ტყვია ფეხში მოხვდა.

ჭრილობა უმნიშვნელო აღმოჩნდა. რემე მხოლოდ მას შემდეგ მიხვდა დაჭრილი რომ იყო, როდესაც იატაკზე სისხლი დაინახა.

„მსგავსი რამ არასდროს მსმენია. ცნობილია შემთხვევები, როდესაც პისტოლეტი მიწაზე ეცემა და გასროლა ხდება, მაგრამ ძაღლის ისტორია რაღაც ახალია“, - აღნიშნა საოლქო პოლიციის უფროსმა ფორტ დოჯ როჯერ პორტერმა.

სამართლდამცველები შეთანხმდნენ, რომ გასროლა შემთხვევით მოხდა. პოლიციაში ასევე აღნიშნეს, რომ მამაკაცს იარაღის ტარების ყველა ლიცენზია ჰქონდა.