თურქმა სამართალდამცველებმა 150 სამხედრო ოპოზიციონერ ფეთჰულაჰ გიულენის ორგანიზაციასთან კავშირის ბრალდებით დააკავეს.

თურქული მედიის ცნობით, სტამბოლის პროკურატურამ  ორდერი 300 ადამიანის დასაპატიმრებლად გასცა. მათ შორის 211 პირი ამ დროისათვის სამხედრო თანმდებობას იკავებს.

თურქეთში მსგავსი ოპერაციები 2016 წლიდან მიმდინარეობს.

2016 წლის 16 ივლისს სამხედრო გადატრიალების მცდელობა მოხდა. მოვლენები სტამბოლსა და ანკარაში განვითარდა.

პუტჩის მცდელობის ორგანიზებაში ანკარა ოპოზიციონერ მქადაგებელს გიულენ ადანაშაულებს, რომელიც ამჟამად აშშ-ში ცხოვრობს. გიულენი გადატრიალების მცდელობასთან ყოველგვარ კავშირს უარყოფს.