თურქეთის ანტიკური ქალაქი ბარგილია, რომელიც ბოდრუმიდან 30 კმ-ის დაშორებით მდებარეობს, რვა მლნ დოლარად იყიდება.
დღეისათვის ქალაქის ტერიტორიაზე, რომლის ისტორიაც 2500 წელს ითვლის, შენარჩუნებულია ამფითეატრის ნანგრევები, აკროპოლისი და მიტოვებული მონასტერი.

ბარგილია კერძო საკუთრებაში 1927 წლიდან იმყოფება. ამ ხნის განმავლობაში ის შავი არქეოლოგიის მსხვერპლი არაერთხელ გამხდარა. დაცვის არარსებობის პირობებში ის არაერთხელ გაიძარცვა, მოპარულია უძველესი მოზაიკაც.

ტერიტორიის ერთ-ერთი მფლობელი 87 წლის ჰუსეინ იუჩოინარია. მისი თქმით, მფლობელები უკვე მრავალი წელია მის გადყიდვა ცდილობენ, რადგან ქალაქის დაცვა არ შეუძლიათ.

შეთანხმების მიღწევის მიზნით მათ ცოტა ხნის წინ ქალაქის ღირებულება 8 მლნ დოლარით შე ამცირეს.

იმის მიუხედავად, რომ ტერიტორია კერძო საკუთრებაშია, ბარგალიას პირველი კლასის არქეოლოგიური ძეგლის სტატუსი აქვს.

ეს იმას ნიშნავს, რომ ამ ადგილზე დაუშვებელია სასტუმროს ან რაიმე ტურისტული ობიექტის მშენებლობა. თუმცა თურქეთში არ გამორიცხავენ, რომ ახალი მფლობელი შეეცდება სტატუსის შეცვლას, რათა ამ ადგილზე კურორტი ან პარკი დააფუძნოს.