რეაგირების თვალსაზრისით, მე მგონია, რომ თავად პრეზიდენტის ინსტიტუტზე არის პოლიტიკური პასუხისმგებლობა, პირველ რიგში, რომ გაეცეს პასუხი ამ პრობლემებს, - ამის შესახებ პარლამენტის ვიცე-სპიკერმა თამარ ჩუგოშვილმა პრეზიდენტის მიერ 143 მსჯავრდებულის შეწყალებასთან დაკავშირებით განაცხადა.

მისი თქმით, მთელი ამ პერიოდის განმავლობაში შეწყალებები იყო პრობლემური, ნარკორეალიზატორების შეწყალება რამდენიმე ათეულს აჭარბებდა.

„ჩვენ პრობლემები გვქონდა არა მხოლოდ ნარკორეალიზატორებთან, არამედ სხვა კატეგორიის მძიმე და განსაკუთრებით მძიმე დანაშაულის ჩამდენი პირების შეწყალების ასეულობით ფაქტი იყო. არ გამოვრციხავ, რომ ახლაც პრობლემას წავაწყდეთ. რეაგირების თვალსაზრისით, მე მგონია, რომ თავად პრეზიდენტის ინსტიტუტზე არის პოლიტიკური პასუხისმგებლობა, პირველ რიგში, რომ გაეცეს პასუხი ამ პრობლემებს. სამართლებრივი ჩარევის საფუძველი, მე ვფიქრობ, ამ ეტაპზე არ არსებობს“, - განაცხადა ჩუგოშვილმა.